सशस्त्र प्रहरी बलको निशान तथा मौलो पूजा सम्पन्न
काठमाडौंः वडादसैंको अवसरमा सशस्त्र प्रहरी बल बगलामुखी विशेष कार्यदल गण हल्चोक स्वयम्भुमा सशस्त्र प्रहरी बलको निशान तथा मौलो पूजा सम्पन्न भएको छ ।
सशस्त्र प्रहरी महानिरीक्षक दुर्जकुमार राईले विशेष कार्यक्रमबीच पूजाअर्चना गर्दै निशान तथा मौलो पूजा गरे । कार्यक्रममा सशस्त्र प्रहरी अतिरिक्त महानिरीक्षक सिंहबहादुर श्रेष्ठ, प्रेमकुमार शाही, प्रकाश ओझा, शैलेन्द्र खनाल, जितबहादुर पुनलगायत एपीएफ अधिकृत तथा जवानबाट पूजाअर्चना तथा मौलो परिक्रमा गरिएको थियो ।
सशस्त्र प्रहरीले सोमबार बिहान ७ बजेर ५ मिनेटको संकल्प साइतमा महानिरीक्षक राईले सशस्त्र प्रहरी बलको निशानमा पन्जाछाप लगाए ।
सशस्त्र प्रहरी व्याण्डको मंगलधुनबीच सुरु भएको पूजा कार्यक्रममा सशस्त्र प्रहरी बलको एक टोलीले निशान भगवती सलामी अर्पण गरेको थियो । सशस्त्र प्रहरी बल प्रधान कार्यालयले वडादसैं अन्तर्गत महानवमीको अवसरमा हरेक वर्ष यस्तो खालको निशान तथा कोतपूजा गर्दै आएको छ ।
सोही कार्यक्रममा सशस्त्र प्रहरी महानिरीक्षक राईले मौलोपूजा व्यवस्थापनामा उत्कृष्ट कार्यगर्ने सशस्त्र प्रहरी कर्मचारीलार्ई पगरी तथा नगद पुरस्कारले सम्मान गरे ।
प्रतिक्रिया दिनुहोस !
