रक्सी खाएर नालामा खस्दा युवकको मृत्यु
वीरगन्जः वीरगन्जको मेनरोडमा रहेको महावीर मन्दिर नजिकको नालामा बिहिबार बिहान एक युवक मृत अवस्थामा फेला परेका छन् ।
वीरगन्ज ४ वीर्ता गणेशमान चोकका राम प्रसाद शर्माका ३२ वर्षिय छोरा गोपाल शर्मा मृत अवस्थामा फेला परेका हुन् ।
बुधबार साँझ देखि घरबाट बाहिर निस्किएका गोपाल , महावीर मन्दिर नजिकैको नालामा बिहिबार बिहान मृत अवस्थामा फेला परेको प्रहरीले जनाएको छ ।
महावीर मन्दिर नजिक जडान गरिएको सिसि टिभी क्यामेरामा कैद भएको दृश्य अनुसार , बुधबार राति १२ बजेर १८ मिनेटको समयमा मदिराको नशामा रहेका गोपाल , हिडने क्रममा अनियन्त्रित भइ आफै लडेर नालामा खसेको र टाउकोमा गम्भिर चोट लागेका कारण उनको मृत्यु भएको हुन सक्ने पर्साका प्रहरी उपरिक्षक राजुबाबु श्रेष्ठले जानकारी दिए ।
मृतकको शव पोष्टमार्टमका लागि नारायणी उपक्षेत्रीय अस्पतालमा राखिएको प्रहरीले जनाएको छ ।
प्रतिक्रिया दिनुहोस !
