रेखा थापा नयाँ चलचित्र बनाउँदै
काठमाडौंः नायिका रेखा थापाले नयाँ चलचित्र बनाउने भएकी छन् । गत वर्ष ‘रामप्यारी’ बनाएर चर्चा कमाएकी रेखाले नयाँ चलचित्र ‘कसले चोर्यो मेरो मन फेरि’ बनाउने घोषणा गरेकी हुन् ।
उनले सामाजिक सञ्जालमार्फत चलचित्र बनाउने जनाएकी हुन् । अभिनयपछि निर्माता र त्यसपछि निर्देशक बनेकी नायिका रेखाले कसले चोर्यो मेरो मन फेरि होम प्रोडक्सनमा निर्माण हुने उल्लेख गरेकी छन् ।
यसअघि उनले कसले चोर्यो मेरो मन बनाएकी थिइन् । चलचित्रको निर्देशन भने सविर श्रेष्ठले गर्ने बताइएको छ । चलचित्रको छायांकन आगामी माघदेखि गरिनेछ । नायिकाको भूमिकामा रेखा आफैं देखिने भए पनि नायक को हुने भन्नेबारे बताइएको छैन ।
प्रतिक्रिया दिनुहोस !
