नेपाल टेलिकमलाई ‘फोर जी’ सेवा सञ्चालनको अनुमति
काठमाडौं: नेपाल टेलिकमले ‘फोर जी’ सेवा सञ्चालनको लागि नेपाल दूरसञ्चार प्राधिकरणबाट अनुमति पाएको छ ।अब टेलिकमले १८ सय मेगाहर्ज फ्रिक्वेन्सी ब्याण्ड मार्फत १५ मेगाहर्जमा फोरजी सेवा सुरु गर्न पाउने भएको हो ।
यो सँगै टेलिकमले अब १० मेगाहर्जबाट ‘टु जी’ र ‘थ्री जी’ सेवालाई निरन्तर गर्ने छ भने ५ मेगाहर्जबाट ‘फोर जी’ सञ्चालन गर्ने छ । प्राधिकरणका अध्यक्ष दिगम्बर झाका अनुसार देशैभन्दा अघिनै प्राधिकरणले टेलिकमलाई ‘फोर जी’ सेवा संचालकनको लागि आवश्यक कार्ययोजना माग गरेको थियो । उक्त कार्ययोजनाको आधारमा प्राधिकरणले टेलिकमलाई ‘फोर जी’ सेवाको लागि अनुमति प्रदान गरेको हो ।
टेलिकमले प्राधिकरणलाई दिएको कार्ययोजनामा दुई महिना भित्र काठमाडौं र पोखरामा ‘फोर जी’ सेवा संचालनमा ल्याउने जनाएको छ । अबको दुई महिनामा टेलिमकले काठमाडौं र पोखराबाट ‘फोर जी’ सेवा संचालनमा ल्याउने विश्वास रहेको झाले बताए ।
यता एनसेल भने ‘फोर जी’ सेवाको लागि अनुमति अहिले पाएको छैन् । झाका अनुसार एनसेल सँग आवश्यक फ्रिक्वेन्सी नहुँदा यस्तो समस्या आएको हो । तर यो समस्या धेरै लामो नहुने उनको भनाइ छ ।
प्रतिक्रिया दिनुहोस !
