हरिवंश आचार्यको 'पापी पैसा' गीत सार्वजनिक (भिडियो)
काठमाडौँ: कात्तिक २६ देखि प्रर्दशनमा आउन लागेको चलचित्र ‘जात्रा’ को गीत सार्वजनिक भएको छ । हरिवंश आचार्यको शब्द तथा श्वर रहेको पैसा बोलको गीत सार्वजनिक भएको हो ।
प्रर्दशन मिति नजिकिँदै गर्दा प्रोमोशनस्वरुप गीत सार्वजनिक गरिएको ‘जात्रा’ निर्देशक प्रदीप भट्टराईले जानकारी दिए । भट्टराईले १२ वर्ष मह जोडीसँग काम गरिसकेका छन् । मह–सञ्चारले निर्माण गर्ने फिल्म निर्देशनको जिम्मा समेत प्रदीपलाई नै दिने बताइएको छ ।
फिल्मको विषयवस्तुसँग मेल खाने गीतमा पैसाको महत्व र आवश्यकतालाई रमाइलो ढंगले प्रस्तुत गरिएको छ । हरिवंशको गीतले चलचित्रलाई अझ आकर्षक बनाएको निर्माता एवम् कलाकार रवीन्द्रसिंह बानियाँले जानकारी दिए ।
चलचित्रको लागि आफैँले गीत लेखेर गाउन पाउँदा खुशी लागेको हरिवंश आचार्यले बताए । गीत गाउँन थुप्रै कठिनाइ आए पनि गीतमा एउटा महत्वपूर्ण कथावस्तु रहेको आचार्यको भनाइ छ ।
शशी रावलको समेत स्वर रहेको गीतमा रोशन थापाले संगीत भरेका छन् ।
प्रतिक्रिया दिनुहोस !
