एजेन्सीः अभिनेत्री जेनिफर लारेन्सको एउटा नग्न तस्बिर सार्वजनिक गर्नेलाई अदालतले १८ महिनाको जेल सजाय सुनाएको छ । अमेरिकन युवा रेयान कालिंसलाई त्यहाँको एक अदालतले १८ महिनाको सजाय सुनाएको हो ।
जेनिफरको उक्तो फोटो सन् २०१४ मा इन्टरनेटबाट सार्वजनिक भएको थियो । लामो अनुसन्धानपछि अदालतले रेयानविरुद्ध यस्तो फैसला गरेको हो । उनीले ६ सय बढी सेलिब्रेटी र सर्वसाधारणको नांगो तस्बिर र भिडियो चोरोको आरोपसमेत अदालतले पुष्टि गरेको छ ।
लारेन्ससँगै अन्य अभिनेत्री स्कारलेट जान्सनको फोटो समेत उनले ह्याक गरेको पाइएको छ । २६ वर्षका रेयानविरुद्ध मे महिनामा दायर भएको रिटमाथि भएको फैसलामा उनी दोषी ठहरिएका हुन् ।
रेयनले यस्ता सेलिब्रेटिको पासर्वड समेत ह्याक गरेको तथ्य खुलेको छ । उनले गुगल र एप्पल कम्पनीले पठाउने इमेल जस्तै यस्ता सेलिब्रेटिलाई झुक्याएर इमेल पठाउने गरेका थिए ।
‘सेलेबगेट’ नामबाट प्रसिद्ध भएको यो केसमा रेयानमाथि ५० आइक्लाउड र ७२ जीमेल एकाउन्ट ह्याक गरेको आरोपसमेत छ ।
प्रतिक्रिया दिनुहोस !
