गीतकार बालकुमार गौतमले नयाँ गीत 'सँगै हिँड्न सिकाएर आज एक्लो बनायौं' सार्वजनिक गरेका छन् । मायापछिको विछोडको पीडाका भाव छल्कने गीतमा मायालुले छोडेपछिका पीडा गीतमा प्रस्तुत गरेको गीतकार गौतमले बताए ।
अहिले गीत एल्बम बनाउने तयारी स्वरुप पहिलो गीत रेकर्ड गरेको बताउँदै गौतमले भने-'हामीले १२ वटा गीत समावेश गरेर एल्वम निकाल्ने तयारी गरेका छौं । अब चाँडै रेकडिङ भएका गीतहरुको म्यूजिक भिडियो पनि ल्याउनेछौं ।'
नेपाली दर्शक तथा स्रोताले पछिल्लो समय चाहेका गीतहरु आफ्नो एल्बममा समावेश गर्ने भन्दै गौतमले भने-'हामी नयाँ एल्वममा सबै दर्शक तथा स्रोताको चाहाना अनुसारका गीत राखेर सबैलाई मनपर्ने बनाउनेछौं ।'
राम परियारको संगीतमा तयार भएको गीतमा प्रेम श्रेष्ठको आवाज छ । पहिलो प्रस्तुती स्वरुप नयाँ गीत ल्याएको बताउँदै गायक प्रेमले एल्वमा समावेश हुने गीतमा एकै व्यक्तिका फरक फरक प्रकृतिका आवाज हुने बताए ।
प्रतिक्रिया दिनुहोस !
