बलिउड अभिनेता शाहरुख खानकी छोरी सुहाना खान अहिले १६ वर्ष पुगिन । सन् २००० मा जन्मिएकी सुहाना खेल तथा नृत्यमा बढी रुचि राख्छिन् ।
मुम्बईको धीरुभाई अम्बानी इन्टरनेशनल विद्यालयमा अध्ययनरत उनी विद्यालयको छात्रा टिमबाट फुटबल पनि खेल्दै आएकी छन् ।
बाबु शाहरुख र गौरी आमाकी प्यारी छोरी सुहानालाई राम्रो नृत्यंगना बनाउने शाहरुखको धोको छ । तर, सुहाना भने अभिनय गर्न रुचि राख्छिन् । अभिनय मन पराए आफ्नी साथी काजोलसँग अभिनय कला सिक्न छोरीलाई आग्रह गरेको शाहरुखले एक कार्यक्रममा बताएका थिए ।
पछिल्लो समय सामाजिक सञ्जालमा सक्रिय सुहाना आफ्ना विभिन्न पोजका तस्बिरहरु सेयर गर्दै आएकी छन् । उनले आफ्ना केही ग्ल्यामरस फोटाहरु पनि सामाजिक सञ्जाल इन्स्टाग्राममा शेयर गरेकी छन् ।
प्रतिक्रिया दिनुहोस !
