‘अंगीकृत नागरिक प्रधानमन्त्री र राष्ट्रपति हुँदैन, हुँदैन, हुँदैन’
कात्तिक २१, २०७३ आइतबार १५:४७:०
काठमाडौंः माओवादी केन्द्रका नेता एवम् पूर्वउपप्रधान मन्त्री नारायणकाजी श्रेष्ठले अंगीकृत नागरिक राष्ट्रप्रमुख र सरकार प्रमुख नहुने बताएका छन् ।
आइतबार अन्नपूर्णमा प्रकाशित ‘अंगीकृतलाई राष्ट्राध्यक्ष दिन सत्तापक्ष तयार’ शीर्षकको समाचार प्रकाशित भएपछि श्रेष्ठले अंगीकृतलाई संवैधानिक पदमा पुग्न पाउने व्यवस्था सम्भव नहुने बताएका हुन् ।
सत्ताको नेतृत्वकर्ता पार्टीका उपाध्यक्ष श्रेष्ठले सामाजिक सञ्जाल ट्वीटर मार्फत् संविधान संशोधनको प्रस्तावको विरोध गरेका छन् ।
आइतबार बिहान श्रेष्ठले ट्वीटरमा लेखेका छन्, ‘अंगीकृत नागरिकलाई राष्ट्रप्रमुख र सरकार प्रमुख बनाउने गरी संविधान संशोधन असम्भव छ । हुँदैन, हुँदैन, हुँदैन ।’
संविधान संशोधन नभएसम्म संविधान स्वीकार्य नहुने भन्दै आन्दोलनमा रहेको मधेसी मोर्चाको माग सम्बोधन गर्न सत्ता पक्षले संविधान संशोधनको तयारी गरेको छ ।
सरकारले अन्तरिम संविधानका प्रावधानलाई पुनस्थापित गर्न तयार भएको आसयसहितको अनौपचारिक पत्र शुक्रबार मोर्चालाई पठाएपछि संविधान संशोधनको विषय चर्चामा छ ।
Ammendment of the constitution so as to make the naturalised citizens eligible for d head of d state & govt is next to impossible.No,No,No.
— NKShresthaPrakash (@nksthaprakash) November 6, 2016
प्रतिक्रिया दिनुहोस !
