काठमाडौंः उपराष्ट्रपति नन्दबहादुर पुन ‘पासाङ’सँग नेपालका लागि ब्राजिलका राजदूत मारिया मेस्क्वेटा पेसोअले शिष्टाचार भेट गर्नु भएको छ ।
सोमबार अपरान्ह उपराष्ट्रपतिको कार्यालय, बहादुरभवन कान्तिपथमा उपराष्ट्रपतिसँग राजदूत पेसोअले शिष्टाचार भेट वार्ता गर्नु भएको हो ।
भेटमा उपराष्ट्रपति पासाङले नेपाल र ब्राजिलबीच औपचारिक सम्बन्ध स्थापना भएको चार दशक पुगेको स्मरण गर्दै दुई देशबीचको सम्बन्ध प्रगाढ रहेको बताए । उनले नेपाल र ब्राजिलबीच औपचारिक सम्बन्ध सुरु हुनु अगावैदेखि कुटनीतिक सम्बन्ध रहेको बताए ।
नेपाल र ब्राजिलको भौगोलिक हिसाबले उस्ता उस्तै भएको भन्दै उपराष्ट्रपतिले दुई देशबीच सांस्कृतिक र व्यापारिक सम्बन्ध रहेको स्मरण गरे । नेपाल र ब्राजिल दुवै देश जलस्रोतको धनी भएको भन्दै पुनले ब्राजिलले जलस्रोतको सदुपयोग गरिरहेको भए पनि नेपालले सदुपयोग गर्न समस्या परेको भन्दै ब्राजिलबाट सिक्न चाहेको बताए ।
उनले संविधान जारी पछि नेपाल समृद्धिको दिशामा अगाडि बढेको जानकारी गराए । समृद्धिको पहिलो आधार जलस्रोत भएको उनको भनाई थियो ।
भेटमा नेपालका लागि ब्राजिलका राजदूत मारिया मेस्क्वेटा पेसोअले ब्राजिल र नेपालको कुटनीतिक सम्बन्ध धेरै पुरानो भएको बताए । उनले दुई देशबीचको सम्बन्ध घनिष्ठ रहेको चर्चा गरे ।
ब्राजिल नेपालसँगको सम्बन्धलाई थप सुधार्न चाहिरहेको बताए । उनले गत वर्र्ष नेपाल ब्राजिल चेम्बर अफ कमर्श स्थापना भएको स्मरण गर्दै आफूले दुई देशबीचको सम्बन्ध थप प्रगाढ बनाउनका लागि सबै प्रयास गर्ने बताए ।
यसैगरी उपराष्ट्रपति पासाङसँग नेपालका लागि ईण्डोनेशियाका अवैतनिक दूत चन्द्र ढकालले पनि सोमबार भेटवार्ता गरे ।
प्रतिक्रिया दिनुहोस !
