बन्ने भो ‘शिरफूल’
काठमाडौः पर्फमिङ आर्ट क्रियसन र मगर क्रियसनले संयुक्त रूपमा चलचित्र ‘शिरफूल’ निर्माण गर्ने भएको छ । आइतबार राजधानीमा आयोजित समारोहबीच यो चलचित्रको घोषणा गरिएको हो ।
निर्माण पक्षले दिएको जानकारीअनुसार कमल मगरको निर्देशनमा सोमबारदेखि नै चलचित्र शिरफूलको छायांकन सुरु हुँदैछ । दर्जनौं म्युजिक भिडियो निर्देशन गरेका कमलका अनुसार चलचित्रमा आधुनिकताको प्रभावसँगै युवा पुस्तामा देखिएको संस्कृतिक विकृतिलाई चित्रण गरिनेछ ।
यस चलचित्रमा रूपा राना, विनिता मगर, राज थापा, रूपा राना, देव आलेमगर, नीता पुन, पुजा गदल, नमिता तामाङ, बिना थापा, लीला गुरुङ, राजु योगिन, सुनील मगरलगायतको अभिनय रहनेछ । रूपाबाहेक सबै कलाकार थिएटरबाट लिइएको हो ।
‘चलचित्रको नाम सुन्दै अग्र्यानिक लाग्यो’, रूपाले भनिन्, ‘नामजस्तै शिरफूलको कथा पनि राम्रो छ ।’ निर्देशक कमलका अनुसार चलचित्रको छायांकन काठमाडौं, तनहुँ, पोखरा र सोलुखुम्बुमा विभिन्न रमणीय स्थानमा गरिनेछ ।
प्रतिक्रिया दिनुहोस !
