कन्नडका दुई कलाकारको अभिनयका क्रममा मृत्यु भएको छ । अभिनेता उदय र अनिलको फिल्म सुटिङका क्रममा भएको एक दुर्घटनामा मृत्यु भएको हो ।
बंगलुरुको टिपागोँडानाहल्लीको बाँध नजिकैको एक झिल्लीमा नजिकै फिल्मको सुटिङका लागि हेलिकोप्टरबाट पानीमा हाम फालेका उदय तथा अनिल बेपत्ता भएका थिए ।
मुख्य कलाकार विजयका लागि सुरक्षा व्यवस्था भएको तर, अन्य कलाकारका लागि नभएकाले उनीहरुको मृत्यु भएको थियो ।
सोमबार भएको दुर्घटनापछि बुधबार साँझमात्र उदयको मृत शरीर फेला पारिएको थियो भने । बिहीबार बिहान अनिलको पनि शव फेला पारिएको छ । दुवैको शव पोष्टमार्टमका लागि अस्पतालमा राखिएको छ ।
कन्नड फिल्म 'मस्तीगुडी' को सुटिङ अन्तर्गतको हेलिकोप्टरको दृश्य सुटिङ गर्दा दुर्घटना भएको हो ।
उदय तथा अनिल दुवै साउथ इन्डियन फिल्मका उदयमान कलाकार थिए । उनीहरुले केही चलचित्रमा खलनायकको भूमिका निर्वाह गरेका थिए ।
उक्त सिनको सुट गर्नुभन्दा पहिला दुवै एक्टर नर्भस थिए । उनीहरुले सुरक्षाको सम्पूर्ण व्यवस्था भएको महसुस गरेर सुटिङमा सहभागी भएको हुनसक्ने आँकलन गरिएको छ । तर, उदयले सुटिङभन्दा अघि नै सबै भगवान भरोसा भनेका थिए । उनी पौडन नजान्ने भएपनि सिन राम्रो बनाउन जस्तोसुकै स्टन्ड गर्न चाहन्थे ।
प्रतिक्रिया दिनुहोस !
