काठमाडौंः जगदम्बा सिमेन्टलाई एनएस क्वालिटी अवार्ड २०१५ र लेटर अफ एप्रिसिएसनद्वारा सम्मान गरिएको छ । सन् २०१४ मासमेत उक्त अवार्ड जितेको यस कम्पनीले लगातार दोस्रो पटक सोही अवार्ड हात पारेको हो ।
क्वालिटी म्यानेजमेन्ट सिस्टम आईएसओ ९००१ ः २००८, वातावरण व्यावस्थापन प्रणाली आईएसओ १४००१ ः २००४ बाट सम्मानित भइसकेको कम्पनीले भारतीय मापदन्ड विभाागबाटसमेत ओपीसीमा आईएस ८११२ र पीएससीमा आईएस ४५५ प्राप्त गरिसकेको छ ।
जगदम्बा सिमेन्टले विश्वस्तरीय सिमेन्ट उद्योगबाट आयातित क्लिंकर प्रयोग गर्दै आएको छ भने यसका उत्पादन दक्ष प्राविधिकबाट निरीक्षण र प्रमाणित गरेपछि मात्र बिक्रीका लागि लगिने कम्पनीले जनाएको छ । कम्पनीले सिमेन्टको बढ्दो माग र ग्राहकको विश्वासलाई आत्मसात गर्दै आफूलाईसमेत समयानुकूल परिस्कृत र परिमार्जित गर्दै लगेको जनाएको छ ।
कम्पनीले हालसम्म नेपाल गुणस्तर चिन्ह- ओपीसीमा ४९, पीपीसीमा ३८५ र पीएससीमा ३८४ नेपाल गुणस्तरबाट सम्मान प्राप्त गरिसकेको जनाएको छ ।
प्रतिक्रिया दिनुहोस !
