काठमाडौंः अन्तर्राष्ट्रिय संस्था फ्रोस्ट एन्ड सुलिभानले बुद्ध एयरलाई उत्कृष्ट एयरलाईन्स २०१६ को अवार्डबाट सम्मान गरेको छ ।
राजधानीमा आयोजित एक समारोहमा बुद्ध एयरलाई उक्त पुरस्कारद्वारा सम्मान गरिएको थियो । बुद्ध एयरले उड्डयन क्षेत्रमा गरेको निरन्तर मिहिनेतको सफलता स्वरूप उक्त पुरस्कारले सम्मान गरिएको बुद्ध एयरका एमआईएस डाइरेक्टर रजिन रञ्जितले बताए ।
‘यस किसिमको अवार्डबाट हाम्रा सेवालाई अझ गुणस्तरीय बनाउन थप प्रेरणा मिलेको छ’, उनले भने । बुद्ध एयरले दुई वटा बिचक्राफ्ट र ६ वटा एटीआर जहाजबाट मुलुकभर उडान सेवा प्रदान गर्दै आएको छ । देशबाहिर भारतको वाराणसीमा नियमित तथा भुटानको पारोमा चाटर्ड उडान सेवा दिइरहेको कम्पनीद्वारा जारी विज्ञप्तीमा उल्लेख छ ।
नेपाल र नेपालीलाई जोडन सहज र सरल ढंगले सस्तो टिकट बिक्री गरिरहेको जनाएको छ । बुद्धले गत वर्ष मात्रै ८ लाख यात्रुलाई सेवा प्रदान गरेको थियो ।
प्रतिक्रिया दिनुहोस !
