संयुक्त राज्य अमेरिकाको ४४ औं राष्ट्रपतिको रूपमा पहिलो अश्वेत अमेरिकी राष्ट्रपति बाराक ओबामाको कार्यकाल सकिन आँटेको छ । सन् २०१७ को जनवरी २० मा उनले नवनिर्वाचित राष्ट्रपति डोनाल्ड ट्रम्पलाई सत्ता हस्तान्तरण गर्नेछन् । दुई पटक राष्ट्रपतिमा निर्वाचित ओबामाको आठवर्षे कार्यकाल कस्तो रह्यो त ? प्रस्तुत छ, ओबामा कार्यकालको सारसंक्षेप:
सन् २००९
जनवरी २० : बाराक ओबामाले सं.रा.अमेरिकाको ४४ औं राष्ट्रपतिको रूपमा शपथग्रहण ।
जनवरी २२ : ग्वान्टानामो टापुमा रहेको अमेरिकी बन्दीगृह एक वर्षभित्र बन्द गर्ने निर्णयमा हस्ताक्षर ।
फेब्रुअरी १७ : अफगानिस्तानमा थप १७ हजार अमेरिकी सेना परिचालन गर्ने घोषणा ।
अक्टोबर ९ : नोबल शान्ति पुरस्कार प्राप्त ।
डिसेम्बर १ : अफगानिस्तानमा थप ३० हजार सेना परिचालन ।
सन् २०१०
जनवरी २७ : पहिलो ‘स्टेट अफ युनियन’ मन्तव्य ।
मार्च २३ : रिपब्लिकन पार्टीको एक भोटबिना पनि ‘ओबामाकेयर’ विधेयक पारित ।
अप्रिल २० : मेक्सिको खाडीमा तेल विस्फोट ।
अगस्ट १७ : ओबामा शासन सुरु भएपछि अफगानिस्तानमा मारिने अमेरिकी सेनाको संख्या पाँच सय ७६ पुग्यो । सो संख्या बुस कालमा भन्दा बढी थियो ।
अगस्ट ३१ : इराकमा सैन्य कारबाही अन्त्यको घोषणा ।
सन् २०११
जनवरी २५ : अरब विद्रोह इजिप्ट पुग्यो ।
फेब्रुअरी १५ : लिवियामा मुअम्मर गद्दाफीविरुद्ध प्रदर्शन सुरु ।
मे २ : ओसामा बिन लादेन नाटो नेतृत्वको सैन्य कारबाहीमा मृत्यु ।
जुन २२ : पहिलोपटक अफगानिस्तानबाट सेना फिर्ताको घोषणा ।
अक्टोबर २० : लिवियाका शासक गद्दाफीको नाटो सेनाद्वारा हत्या ।
डिसेम्बर १८ : इराकबाट अन्तिम सैन्य टुकुडीको घर फिर्ती ।
सन् २०१२
नोभेम्बर ६: बाराक ओबामा राष्ट्रपतिमा पुन: निर्वाचित ।
सन् २०१३
जनवरी २०: बाराक ओबामाको दोस्रो कार्यकाल सुरु ।
फेब्रुअरी ४: ‘नो बजेट, नो पे ऐन–२०१३’ले वैधानिकता प्राप्त ग¥यो ।
मार्च ८ : ‘महिला हिंसाविरुद्ध ऐन’ पारित ।
अप्रिल ९ : अलकायदाबाट आएका अल बक्र अल–बग्दादीद्वारा इस्लामिक स्टेट इन इराक एन्ड द लेभान्ट (आईएसआईएस) गठनको घोषणा ।
जुन २५ : ओबामाद्वारा ‘क्लाइमेट एक्सन प्लान’ घोषणा ।
जुलाई ३ : इजिप्टमा पहिलो जननिर्वाचित राष्ट्रपतिको रूपमा मोहम्मद मर्सीको उदय ।
डिसेम्बर ५ : दक्षिणी अफ्रिकाका नेता नेल्सन मण्डेलाको निधन ।
डिसेम्बर १० : ओबामा र क्युवाका राष्ट्रपतिबीच मण्डेलाको अन्त्येष्टि समारोहमा पहिलोपटक हस्तमिलान ।
सन् २०१४
फेब्रुअरी २८ : क्रिमियामा रुसी सेनाको प्रवेश ।
जुलाई १६ : राष्ट्रपति ओबामाद्वारा आईएसआईएसविरुद्ध लड्न इराकमा सेना पठाउने घोषणा ।
अगस्ट १९ : आईएसआईएसद्वारा युट्युबमार्फत् अमेरिकी पत्रकार स्टेफन सोट्लोफ हत्याको भिडियो प्रसारण ।
नोभेम्बर २३ : ट्युनिसियामा पहिलोपटक राष्ट्रपतीय निर्वाचन ।
डिसेम्बर २७ : ओबामाद्वारा क्युवासँग सामान्य सम्बन्ध बनाउने घोषणा ।
डिसेम्बर २८ : ओबामाद्वारा अफगानिस्तानमा सैन्य कारबाही सकिएको घोषणा ।
सन् २०१५
मार्च २३ : सन् २०१६ को अमेरिकी राष्ट्रपतीय निर्वाचनको रौनक सुरु ।
जुन १६ : डोनाल्ड ट्रम्पद्वारा राष्ट्रपति पदको लागि उम्मेदवारी घोषणा ।
सन् २०१६
जुन ७ : हिलारी क्लिन्टन हिलारी क्लिन्टन राष्ट्रपतिको उम्मेदवारको रूपमा मनोनीत ।
जुन २३ : बेलायतमा युरोपेली युनियनबाट अलग्गिने मत जनमत संग्रहमा विजयी ।
(एजेन्सीको सहयोगमा प्रस्तुती: लक्ष्मण श्रेष्ठ)
प्रतिक्रिया दिनुहोस !
