काठमाडौः नेपालस्थित भारतीय दूतावास र भारतीय सांस्कृतिक केन्द्रको संयुक्त आयोजनामा भारतीय प्राविधिक तथा आर्थिक सहकार्य दिवस तथा मौलाना आजाद दिवस राजधानीमा एक कार्यक्रमबीच मनाइएको छ ।
कार्यक्रमका प्रमुख अतिथी शिक्षामन्त्री धनिराम पौडेलले भारतीय प्राविधिक तथा आर्थिक सहकार्य अन्र्तगत नेपालीले भारतमा सिकेका ज्ञान सिप नेपालका लागि महत्वपूर्ण योगदान रहेको बताए ।
मन्त्री पौडेलले स्वर्गीय मौलाना आजादले भारतको पहिलो शिक्षामन्त्रीका रुपमा शिक्षा क्षेत्रमा गरेको योगदानको प्रशंशा गरे । उनले भारतका राष्ट्रपति प्रणव मुखर्जीको हालैको नेपाल भ्रमणबाट दुई देशको संबन्ध मजबुत भएको बताए ।
नेपालको शिक्षा र पुर्ननिर्माणका क्षेत्रमा भारतले गरिरहेको सहयोगका लागि धन्यवाद दिंदै मन्त्री पौडेलले आगामी दिनमा सहयोग कायमै रहने विश्वास व्यक्त गरे । सो अवसरमा नेपालका लागि भारतीय राजदूत रंजित रेले मौलाना आजाद भारतका महान इस्लामिक विज्ञ भएको चर्चा गरे । उनले प्राविधिक शिक्षाको महत्व निकै रहेको पनि बताए । कार्यक्रममा परराष्ट्र मन्त्रालयका अधिकृत बिजय राज तन्डुकारले भारतले नेपालको प्राबिधिक शिक्षाका क्षेत्रमा गरेको सहयोग महत्वपूर्ण रहेको बताए ।
भारतीय प्राबिधिक तथा आर्थिक सहकार्य कार्यक्रम सन् २००२ मा शुरु भएको हो । कोलम्बो प्लान तथा यस कार्यक्रम अन्र्तगत नेपालबाट बर्षेनी सरकारी कर्मचारी, बिद्यार्थी प्राबिधिक शिक्षा तथा तालिम लिन भारत जाने गर्छन् । यसमा नेपालबाट भारत गई हालसम्म ११,०० जनाले सहभागिता जनाइसकेका छन् ।
सन् २०१६ मा बिभिन्न क्षेत्रबाट गरी २५० जना छनौट भएका छन् । भारतले यस कार्यक्रम अन्र्तगत कम्युटर तालिम, इन्जिनियरिङ्, पत्रकारिता, बैंकिङ्, कानुन, उर्जा, महिला शशक्तिकरण, कानुन कार्यान्वयन, ब्यापार योजना, शिक्षा, मानस्रोत संसाधन अनुसन्धान र अर्थ लगायतका बिषयमा नेपाली सहभागीलाई प्राविधिक शिक्षा प्रदान गर्ने गर्छ ।
प्रतिक्रिया दिनुहोस !
