काठमाडौंः परराष्ट्र मन्त्रालयले सरकार एक चीन नीतिप्रति प्रतिबद्ध रहेको बताएको छ ।
मन्त्रालयले शुक्रबार प्रेस विज्ञप्ति जारी गरी नेपालले छिमेकी मुलुकसंगको संबन्धलाई सधैँ उच्च महत्व दिइआएको र वर्तमान सरकार यो संबन्धलाई थप सुदृढ गर्न प्रतिबद्द रहेको उल्लेख गरेको छ ।
‘एक चीन नीतिमा नेपाल सरकार पूर्ण प्रतिबद्द छ र दृढरुपमा अडिग रही आएको छ’ विज्ञप्तिमा भनिएको छ । तर नेपालको यो नीति विपरीत संचारमाध्यममा समाचार आएको भन्दै मन्त्रालयले त्यसको खण्डन गरेको छ ।
मित्रराष्ट्रका बिषयमा आएका समाचार संप्रेषण गर्दा संवदेशनशील हुन समेत परराष्ट्रले भनेको छ ।
प्रतिक्रिया दिनुहोस !
