एजेन्सीः भारतीय अभिनेत्री रेखा मोहन मृत भेटिएकी छिन् । रेखा आफ्नो अपार्टमेन्टमा मृत भेटिएकी हुन् ।
रेखाको शव केरलास्थित शोभा सिटी कम्पलेक्सको अपार्टमेन्टमा मृत भेटिएको प्रहरीलाई उद्धृत गर्दै भारतीय सञ्चार माध्यमले जनाएका छन् ।
श्रीमानले फोन गर्दा सम्पर्क नभएपछि साथीलाई बुझ्न लगाएका थिए । साथीले पटकपटक सम्पर्क गर्न नसकेपछि प्रहरीलाई खबर गरिएको थियो । खबर पाए लगत्तै उनको फ्याटमा पुगेको प्रहरीले उनलाई मृत भेला पारेको थियो ।
उनका पती भने विदेशमा रहेको बताइएको छ । व्यवसायको क्रममा उनी मलेसिया पुगेको बताइएको छ । धाराबाहिक टेलिभिजन शृङ्खला ‘मायाम्मा’बाट चर्चित बनेकी रेखाले दक्षिण भारतमा चर्चित मानिएका चलचित्र ‘उद्यानापलक्कम’, यात्रामोझी’, ‘वारुवोलम’लगायतमा अभिनय गरेकी थिइन् ।
प्रहरीले रेखाको शवको पोष्टमार्टम रिपोर्ट सार्वजनिक भएपछि मात्र उनको मृत्युको कारण खुल्ने बताएको छ ।
प्रतिक्रिया दिनुहोस !
