भक्तपुरः महानगरीय प्रहरी वृत्त थिमिको टोलीले जुवा खेल्दै गर्दा जुवा खालबाट नगदसहित आठजनालाई पक्राउ गरेको छ ।
प्रहरीले मध्यपुरथिमी नगरपालिका–७ स्थित भीमबहादुर राईको घरमा छापा मारी आइतबार साँझ जुवा तास खेल्दै गरेको अवस्थामा रु एक लाख १५ हजार नगदसहित आठजनालाई पक्राउ गरेको प्रहरी वृत्त थिमिका प्रहरी नायब उपरीक्षक श्यामबाबु ओलियाले जानकारी दिए ।
प्रहरीले जुवा खालबाट औसोर मगर, खिमराज राई, गुन राई, यादवचन्द्र राई, ३४ वर्षीय सुमन राई, ३४ वर्षीय सुदीप मगर, ३१ वर्षीय डम्बर सुब्बा र ३२ वर्षीय जितन राईलाई पक्राउ गरेको हो । प्रहरीले आज जुवाडेविरुद्ध मुद्दा दर्ता गर्ने भएको छ । रासस
प्रतिक्रिया दिनुहोस !
