काठमाडौं ः कन्साई पेन्ट्स नेपाल प्रालिले पोखरामा अत्याधुनिक सुविधा सम्पन्न डिलर सोरुम ‘सि-जी अपूर्वा' सञ्चालनमा ल्याएको छ ।
सञ्चालनमा आएको नयाँ शोरुममा रङरोगन तथा सजावट पेन्ट्ससम्बन्धी सम्पूर्ण परामर्श सेवा प्राप्त गर्न सकिने कम्पनीले जनाएको छ । कन्साई पेन्ट्स नेपाल प्रालि, कन्साई नेरोल्याक पेन्ट्स लिको शाखा कम्पनी हो । यसको स्वामित्व कन्साई पेन्ट्स कम्पनी जापानसँग रहेको छ ।
पेन्ट्स उत्पादनमा अत्याधुनिक प्रविधि र नविन प्रयोगका लागि अन्तर्राष्ट्रिय ख्याति प्राप्त कम्पनी भएको कम्पनीको दाबी छ । भारतीय बजारमा यसले सजावट पेन्ट्सको रूपमा आफ्नो स्थान बनाएको छ ।
अन्तर्राष्ट्रिय स्तरको अत्याधुनिक प्रविधिको प्रयोगले नेपाली पेन्ट्स उद्योगमा उच्चस्तरीय पेन्ट्स उत्पादन गर्ने लक्ष्यका साथ उत्पादन सुरु गरेको कम्पनीले जनाएको छ । चालु आर्थिक वर्षमा सबैभन्दा बढी बिक्री गर्न सफल कम्पनीले गुणस्तरीय उत्पादनलाई प्राथामिकता दिएको छ । यो पेन्ट्स लिड फ्रि र भीओसीरहित भएकाले मानव स्वास्थ्यमा कुनै हानी नपुर्याउने कम्पनीको दाबी छ ।
प्रतिक्रिया दिनुहोस !
