काठमाडौंः अरनिको डेभलपमेन्ट बैंकले केन्द्रीय कार्यालयसहित सम्पूर्ण शाखा कार्यलयमा कार्यरत कर्मचारीको आन्तरिक क्षमता अभिवृद्धिका लागि आन्तरिक तालिम आयोजना गरेको छ ।
कर्मचारीको आन्तरिक क्षमता अभिवृद्धि गर्दै उत्पादकत्व वृद्धि गर्न दुई दिने तालिमको आयोजना गरेको हो । बैकका प्रमुख कार्यकारी अधिकृत झनकराज ढुंगेलको प्रमुख आतिथ्यमा आयोजना भएको तालिमको प्रशिक्षक मदन विष्ट तथा वि एन घर्ती रहेको बैंकले जनाएको छ ।
बैंक व्यवस्थापनले यस्ता कार्यक्रमकामाध्यमबाट बैंकका कर्मचारीको मनोबल उच्च गराउँदै कार्यक्षमता अभिवृद्घि गर्ने विश्वास लिएको छ । साथै सो बैंकको मिती २०७३।०७।२८ गतेसम्ममा कुल पुँजी २५ करोड ७८ लाख, निक्षेप दुई अर्ब नौ करोड १५ लाख, कर्जा तथा सापट एक अर्ब ८२ करोड ५३ लाख र सञ्चालन मुनाफा एक करोड ८४ लाख रहेको बैंकका प्रमुख कार्यकारी अधिकृत ढुंगेलले बताएका छन् ।
प्रतिक्रिया दिनुहोस !
