काठमाडौंः जेडटीईको नेपालका लागि आधिकारिक बिक्रेता इभोलुसन इन्टरप्राइजेज प्रालिले नेपालमा नयाँ स्मार्टफोन भित्र्याएको छ । कम्पनीले एक्जोन सेरिजका दुई आकर्षक स्मार्टफोन ‘जेडटीई एक्जोन इलाइट’ र ‘एक्जोन मिनी’ नेपालमा सार्वजनिक गरेको हो ।
कम्पनीले ल्याएको जेडटीई एक्जोन इलाइटमा ५.५ इन्चको फुल एचडी डिस्प्ले रहेको छ । मिडरेन्जको स्मार्टफोनका रूपमा आएको फोनमा तीन जीबीको र्याम र ३२ जीबीको इन्टरनल स्टोरेज क्षमता रहेको छ । यसको स्टोरेजलाई माइक्रो एसडी कार्डद्वारा बढाउन सकिनेछ ।
यसमा स्नापड्रागन ८१० को २.३ गिगाहर्ज अक्टाकोर प्रोसेसर प्रयोग गरिएको छ । यसमा १३ मेगापिक्सल तथा २ मेगापिक्सलको अटो फोकस ड्यूल क्यामेरा छ । भने सेल्फिका लागि पनि ८ मेगापिक्सलको फ्रन्ट क्यामेरा छ । फोनमा ३००० एमएएचको ब्याट्री रहेको छ ।
यसको बजारमा मूल्य ३३ हजार नौ सय रुपैयाँ रहेको छ । यस्तै जेडटीई एक्जोन मिनी प्रिमियममा ५.२ इन्चको फुल एचडी सुपर एमओएलईडी थ्रीडी टच डिस्प्ले रहेको छ । यो विश्वकै पहिलो प्रेसर सेन्सिङ, थ्रीडी टच फोन भएको कम्पनीको दाबी छ । यसमा फिङ्गर प्रिन्ट, भ्वाइस प्रिन्ट, आईप्रिन्ट बायोमेट्रिक अथेन्टीकेसन सेक्युरिटी जस्ता आकर्षक विशेषता रहेका छन् ।
३ जीबी र्याम र ३२ जिबीको इन्टरनट स्टोरेज रहेको यो स्मार्टफोनमा १.५ गिगाहर्जको अक्टाकोर प्रोसेसर रहेको कम्पनीले जनाएको छ । यसमा १३ मेगापिक्सलको अटो फोकस क्यामेरा छ र फ्रन्टमा ८ मेगापिक्सलको सेल्फी क्यामेरा रहेको छ । २८०० एमएएचको व्याट्री रहेको फोनको बजार मूल्य २५ हजार ९ सय रुपैयाँ रहेको कम्पनीले जनाएको छ ।
प्रतिक्रिया दिनुहोस !
