काठमाडौंः राजधानीको न्युरोडस्थित ताम्राकार कम्प्लेक्सले दसैंतिहारका अवसरमा आयोजना गरेको ‘दसैंतिहारको बहार ताम्राकारमा उपहार नै उपहार' योजनाको बम्पर पुरस्कार लमजुङका प्रवीन सिलवालले पाएका छन् ।
मंगलबार ताम्राकार कम्प्लेक्समा आयोजित कार्यक्रमका बीच गरिएको लक्की ड्रमार्फत सिलवालले मोटरसाइकल जितेका हुन् । असोज १३ गतेदेखि कात्तिक ६ गतेसम्म ताम्राकार मोबाइल बजारमा मोबाइल खरिद गर्ने ग्राहकलाई यो अफरमा समावेश गरिएको थियो ।
मोटरसाइकल विजेता सिलवालले ताम्राकार कम्प्लेक्सको पसल नं ४१ बाट डीटीसी मोबाइल खरिद गरेका थिए । एक महिनाको यस अवधिभर ताम्राकार मोबाइल बजारबाट ४५ हजार सेट मोबाइल बिक्री भएको ताम्राकार मोबाइल व्यापार संघका अध्यक्ष जगत साउदले बताएका छन् ।
मोटरसाइकल पाउने सिलवालले उपहार प्राप्त गरेकोमा आश्चर्य प्रकट गर्दै प्राप्त उपहारले ताम्राकार मोबाइल बजार प्रतिको विश्वास बढेको बताएका छन् । तीन हजार रुपैयाँ मूल्यको मोबाइल खरिद गरेका उनले २०० सीसीको पल्सर एनएस मोटरसाइकल प्राप्त गरेका हुन् ।
प्रतिक्रिया दिनुहोस !
