काठमाडौः आउटरिच नेपाल साउथ एसिया इन्डिपेन्डेन्ट एजेन्सी अफ दि इयर २०१६ को अन्तिम चरणका लागि छनोट भएको छ ।
दक्षिण एसिया क्षेत्रकै सर्वाधिक प्रतिष्ठित अवार्ड मानिएको यस स्पर्धामा आउटरिच नेपालले सयांै प्रतिस्पर्धीमध्ये चयन भएर नेपालबाट फेरि पनि आफ्नो स्थान सुरक्षित गरेको छ ।
विगत २३ वर्षदेखि क्याम्पेन एसिया प्यासिफिक एजेन्सी अफ दि इयर अवार्डले एसिया प्यासिफिक क्षेत्रको विज्ञापन र सञ्चार उद्योगमा प्रेरणादायी नेतृत्व, सर्वोत्कृष्ट व्यवस्थापन, असाधारण व्यावसायिक दक्षता र समग्र सफलताका लागि सम्मानित गर्दै आएको छ ।
प्रतिष्ठित एजेन्सी अफ दि इयरले पाँच बेग्ला बेग्लै क्षेत्रीय स्पर्धामार्फत स्थानीय बजारका सर्वोत्कृष्ट एजेन्सीको चयन गर्ने संस्थाले जनाएको छ । अवार्डको मुख्य उद्देश्य दक्षिण एसियाका सर्व श्रेष्ठ विज्ञापन एजेन्सीलाई पुरस्कृत गरेर उनीहरूको मनोबल बढाउनुका साथै एजेन्सीलाई स्थानीय र क्षेत्रगत रूपमा आफ्नो सिर्जनशीलतालाई प्रस्फुटन गराउँदै एसिया प्यासिफिकस्तरीय सञ्जालमा आवद्ध हुने अवसर प्रदान गर्नेछ ।
गएको वर्ष नेपालबाट पहिलोपटक आउटरिच नेपालले साउथ एसिया एजेन्सी अफ दि इयर २०१५ को अन्तिम चरणमा प्रवेश पाएको थियो । यसैगरी आउटरिच नेपाल दक्षिण कोरियाको प्रतिष्ठित अवार्ड एड स्टार्स अवार्डमा सहभागी भई अन्तिम चरणमा छनोट भएको संस्थाले जनाएको छ ।
प्रतिक्रिया दिनुहोस !
