काठमाडौः आर्थिक वर्ष २०७१/७२ मा बैंक तथा वित्तीय संस्थामध्ये सबैभन्दा बढी कर दाखिला गरेबापत नबिल बैंक आन्तरिक राजस्व विभागबाट सम्मानित भएको छ ।
उपप्रधान तथा अर्थमन्त्री कृष्णबहादुर महराले पाँचौ राष्ट्रिय कर दिवसका अवसरमा आन्तरिक राजस्व विभागद्वारा आयोजित कार्यक्रममा विभिन्न क्षेत्रबाट बढी कर योगदान गर्ने करदातालाई सम्मान प्रदान गरेका थिए ।
उक्त कार्यक्रममा बैंकका तर्फबाट नायब प्रमुख कार्यकारी अधिकृत अनिलकुमार खनालले उक्त सम्मानपत्र ग्रहण गरेका थिए । बैंक तथा वित्तीय संस्थामध्ये सबैभन्दा बढी कर दाखिला गरेर राष्ट्र निर्माणको योगदानमा सहभागी हुन पाउँदा बैंक परिवार निकै गौरवान्वित भएको बैंकले जनाएको छ ।
बैंकले गरेका व्यावसायिक कामका अतिरिक्त व्यवसायमा वृद्धि, रोजगारी सृजना तथा सरकारी राजस्वमा योगदानजस्ता कार्यमा बैंकको अहं भूमिका रहने खनालले बताएका छन् ।
बैंकले हालै फ्रस्ट एन्ड सुलिभनद्वारा प्रदान गरिएको अवार्ड ‘बेस्ट प्राक्टिसेज अवार्ड २०१६ को उत्कृष्ट वित्तीय संस्था’ बाट पनि सम्मानित भएको थियो । साथै तेस्रो ‘न्यूबिज बिजनेश कन्क्लेभ तथा अवार्ड २०१६’ मा सर्वोतकृष्ट वाणिज्य बैंक सम्मानसमेत प्राप्त गरेको बैंकले जनाएको छ ।
प्रतिक्रिया दिनुहोस !
