काठमाडौंः आन्तरिक राजश्व विभागले पाँचौं राष्ट्रिय कर दिवसका अवसरमा राष्ट्रिय सहकारी बैंक लिमिटेडलाई सबैभन्दा बढी आयकर दाखिला गरेबापत कदर स्वरूप सम्मानपत्र र दोसल्लाका साथ सम्मान गरेको छ ।
पाँचौ राष्ट्रिय कर दिवसका अवसरमा बैंकले आर्थिक वर्ष २०७१/२०७२ मा ‘सहकारी संस्था (क्षेत्र) तर्फ’ सबैभन्दा बढी आयकर दाखिला गरेबापत उक्त सम्मान प्रदान गरिएको हो ।
अर्थमन्त्री कृष्णबहादुर महराले बैंकका प्रबन्ध सञ्चालक केवी उप्रेतीलाई उक्त सम्मान प्रदान गरेका हुन् । बैंकले राष्ट्रको तिनखम्बे अर्थनीतिमध्येको सहकारी क्षेत्र एक खम्बा भएकाले बैंकले प्राप्त गरेको यो सम्मान देशका सम्पूर्ण सहकारी संघ÷संस्थाको पनि भएकाले सम्पूर्ण सेयर सदस्य तथा सहकारी क्षेत्रलाई बधाई ज्ञापन गरेको छ ।
प्रतिक्रिया दिनुहोस !
