काठमाडौं: रामायणमा ‘विभीषण’ को भूमिकामा अभिनय गर्ने चर्चित भारतीय कलाकार मुकेश रावलको निधन भएको छ । भारतीय टेलिभिजनका चर्चित अभिनेता रावलको मंगलबार मुम्बईमा निधन भएको हो ।
कलाकार रावलको शव मुम्बईको बोरेभेली रेल वे ट्रयाकमा भेटिएको थियो । अभिनेता रावल गुजराती चलचित्रको डबिङका निम्ति जाँदै गर्दा रेल ट्रयाकमा दुर्घटनामा परेको बताइएको छ । रेलको ट्रयाक पार गर्ने क्रममा रेलको ठक्करले उनको घटनास्थलमै निधन भएको भारतीय सञ्चार माध्यमले जनाएका छन्।
रामनन्द सागरको रामायणमा ‘विभीषण’को भूमिकामा अभिनय गरेका रावलले त्यस बाहेक जिद्ध, सत्ता, औजा तथा कसकलगायत चलचित्रमा अभिनय गरिसकेका थिए ।
अप्रत्यासित रुपमा मृत्युवरण गरेका कलाकारको बुधबार नै अन्तिम संस्कार गरिएको भारतीय सञ्चार माध्यमले जनाएका छन् ।
प्रतिक्रिया दिनुहोस !
