काठमाडौं ः वतास अर्गनाइजेसनको भातृ संस्था त्रिथुंगा टे«डिङ कन्सर्न प्रालि भारतीय कम्पनी लेन्टो इन्डस्ट्रिज प्रालीको आधिकारिक बिक्रेता भएको छ ।
कम्पनीले लेन्टो इन्डस्ट्रिज प्रालीका उत्पादन सोलार इन्भर्टर र स्ट्रिट लाइटको नेपालको आधिकारिक बिक्रेता भई बिक्रीवितरण सुरु गरेको जनाएको छ । लेन्टो सोलार इन्भर्टर पाँच हजार ५५० भीएदेखि पाँच हजार भीएसम्म र स्ट्रिट लाइट २०, ४० , ६० वाटमा उपलब्ध रहेको कम्पनीले जनाएको छ ।
उक्त सबै सोलार इन्भर्टर र स्ट्रिट लाइट प्रतिष्ठित इनर्जी टेष्ट स्टेसनबाट क्वालिटी सर्टिफाइड भएका उत्पादन हुन् । अटोमोबाइलको क्षेत्रमा ख्याती प्राप्त वतास अर्गनाइजेसनले यससँगै सोलार इनर्जीको ब्यापार सुरु गरेको जनाएको छ ।
उक्त कार्यक्रममा वतास अर्गनाइजेसनका सिईओ शान्तराज वतास, त्रिथुंगा टेडिङ् कन्सर्न प्रालिका प्रबन्ध निर्देशक डिल्लीराज सुवेदी, लेन्टो इन्डस्ट्रिज प्रालीका अन्तराष्ट्रिय सेल्स एन्ड मार्केटिङ प्रमुख आशिष श्रीवास्तव र त्रिथुंगा टे«डिङ् कन्सर्न प्रालिका म्यानेजर श्रीकृष्ण ढोडारीको उपस्थिति रहेको थियो ।
प्रतिक्रिया दिनुहोस !
