काठमाडौंः गायक दील तामाङले ‘झल्को आयो रोधिमा नाचेको’ बोलको गीतको भिडियो सार्वजनिक गरेका छन् । लामो समयदेखि अष्ट्रेलियामा रहेका गायक तामाङले झल्को आयो रोधिमा नाचेको मायासँग कम्मरै भाचेको बोलको गीतको म्युजिक भिडियो ल्याएका हुन् ।
शब्द, संगीत र स्वयम् आफ्नै रहेको गीतको म्युजिक भिडियो मकवानपुरको भिमफेदीमा छायांकन गरिएको हो । नेपाली युवाहरुको समूह भिमफेदी गाइजको निर्देशनमा तयार भएको म्युजिक भिडियाको कोरियोग्राफी निर्मल लामाले गरेका हुन् । किरण भण्डारीको विशेष पहलमा अष्ट्रेलियामा रेकर्ड गरिएको गीतको संगीत संयोजन साहस शाक्यले गरेका हुन् ।
प्रवासमा बसेर नेपाली गीत संगीत क्षेत्रमा विशिष्ट योगदान पुर्याउदै आएका तामाङले तीन दर्जनबढी गीत रेकर्ड गरिसकेका छन् । सन् २०११ मा तामाङले सिंगल ट्रयाकमा गाएको ‘म त नेपाली ठिटो, बचन मिठो’ बोलको गीतले राम्रो चर्चा पाएको थियो ।
प्रतिक्रिया दिनुहोस !
