वृद्ध आमालाई चुम्बन गर्दै रेखा थापाले भनिन्ः नारी हिम्मतवाली बन्नुपर्छ
लमजुङः नायिका रेखा थापाले नारी हिम्मतवाली बन्नुपर्ने बताएकी छिन् । लम्जुङमा आयोजित सांस्कृति एवम् वृद्धाआश्रमलाई सहयोग कार्यक्रमलाई सम्बोधन गर्दै थापाले भनिन् ‘हामी नारी हिम्मतवाली भएर आफ्नो अस्तित्वमा बाँच्नुपर्छ ।’
थापाले नारीले समाजमा डटेर अघिबढ्नु पर्ने उल्लेख गरिन् । ‘समाजमा हामी डराएर हैन, डटेर अघि बढनुपर्छ,’ नायिका थापाले भनिन, ‘म घरबाटै लडेँ र अहिले यो स्थानसम्म आइपुगेकी छु ।’
उनले लम्जुङका सबै महिलालाई आआफ्नो स्थानबाट जिन्दगीका लागि लड्न आह्वान गरिन् । उनले महिलाको उन्नती र प्रगतिमा पुरुषको साथ र सहयोग आवश्यक पर्ने समेत बताइन् ।
नायिका थापाले लायन्स सर्बोदय सेवाश्रममा रहेका बृद्धबृद्धालाई कम्मल, पछ्यौरा र लत्ताकपडा वितरण गरेकी छिन् । वृद्धावृद्धालाई सहयोग गर्दा नायिका थापा भावुक बनेकी थिइन् । बेला भावुक र बेला खुशी बनेकी रेखाले सहयोग बाँड्दै बृद्धवृद्धालाई चुम्बन गर्न समेत भ्याइन् ।
कार्यक्रममा नायिका थापाले ‘अर्को जुन्नी कुन्नी..’ बोलको गीतसमेत गाएर दर्शकलाई मनोरञ्जन दिइन् । कार्यक्रममा चलचित्र पत्रकार बिदुर गिरीलाई नायिका थापा र फिल्मी जुमका सञ्चालक अनुज चिलुवालले संयुक्त रुपमा सम्मान पत्र हस्ताण्तरण गरे ।
कार्यक्रममा हास्यकलाकार रमेश दुलाल, लोकगायक प्रकाश कटवाल, सर्मिला गुरुङ, ठाडोभाका शिरोमणी दीर्घनाथ अधिकारी (भेडीखर्के साइला) लगायतका कलाकारले प्रस्तुति पस्किएका थिए ।
प्रतिक्रिया दिनुहोस !
