रसुवाः मोटरको ठक्करबाट आज रसुवामा एक व्यक्तिको मृत्यु भएको छ ।
प्रहरी निरीक्षक प्रमेश विष्टका अनुसार मृत्यु हुनेमा डाँडागाउँ गाविस वडा नं ९ घर भई हाल भूकम्पबाट विस्थापितहरुलाई राखिएको लहरेपौवामा बस्दै आएका ३० वर्षीय आइतराम तामाङ रहेका छन् ।
कालिकास्थानमा रोकिराखेको मोटरमा टाउको ठोक्किएपछि घाइते भएका तामाङलाई त्रिशूली अस्पताल, नुवाकोटमा पु¥याइएको थियो । अस्पताल ल्याई पुर्याउनु अघि नै तामाङको मृत्यु भइसकेको अस्पतालका डा राजु शाक्यले बताए ।
पासाङ ल्हामु समितिबाट सञ्चालित बा४ख ५८८८ नंको बसबाट यात्रा गरिरहेका तामाङको टाउको साँघुरो बाटोमा पार्किङ गरिरहेको अर्को कन्टेनर ट्रकमा ठोक्किएको थियो । प्रहरीले घटनाबारे अनुसन्धान गरिरहेको छ । रासस
प्रतिक्रिया दिनुहोस !
६
