राप्रपाको बैठकमा समसामयिक राजनीतिबारे छलफल
काठमाडौंः राष्ट्रिय प्रजातन्त्र पार्टी केन्द्रीय कार्य समितिले आफ्नो आधिकारिक धारणा भोली सार्वजनिक गर्ने भएको छ ।
पार्टी एकीकरणपछि पार्टीको दृष्टिकोणबारे बिहीबार पत्रकार सम्मेलन गरी जानकारी गराउने भएको हो । बुधबार सम्पन्न भएको बैठकमा मुलुकको समसामयिक राजनीतिक परिस्थितीबारे छलफल भएको थियो ।
त्यस्तै बैठकमा पार्टीको आसन्न महाधिवेशन र स्थानीय निकायका पार्टी समितिको समायोजन र व्यवस्थापनको बारेमासमेत छलफल भएको केन्दीय सदस्य किरण गिरीले जानकारी दिए । गिरीले पार्टीको अर्को बैठक बिहीबार बिहान ९ बजे राप्रपा पार्टी कार्यालय धुम्बाराहीमा बस्ने जानकारी दिए ।
पार्टी अध्यक्ष कमल थापाको अध्यक्षतामा बुधबार बैठक बसेको थियो । बैठकमा राष्ट्रिय अध्यक्ष पशुपती सम्शेर जंग बहादुर राणा, वरिष्ठ नेता लोकेन्द्र बहादुर चन्द, नेता डा प्रकाशचन्द्र लोहनी लगायत शिर्ष नेता तथा केन्द्रीय कार्य समितिको सदस्यहरुको सहभागि रहेको थियो ।