वर्षा राउतले लुकीलुकी गरेको रोमान्सको रहस्य सार्वजनिक (भिडियो)
मंसिर ९, २०७३ बिहीबार २०:६:०
काठमाडौंः ‘नाई नभन्नु ल ४’, ‘छक्का पञ्जा’ लगायत चर्चित चलचित्रमा अभिनय गरेकी नायिका मोडल तथा नायिका वर्षा राउत पछिल्लो समय चलचित्र सँगसँगै मोडलिङमा ब्यस्त छिन् ।
सबैसँग छिट्टै घुलमिल हुने सक्ने सुन्दरी अभिनयमा पनि अब्बल मानिएकी छिन् । उनको यही शैलीका कारण चलचित्र सँगसँगै म्युजिक भिडियोमा उनको खोजी धेरै हुनेगर्छ ।
वर्षाले अभिनय गरेको नयाँ भिडियो ‘मनमा’मा पनि उनले आफूलाई खुलाएकी छिन् । गायिका बसन्ता प्रकृति गौतमको भिडियोमा वर्षाले चर्चित छायांकार हरि हुमागाईसँग जोडी बाँधेकी छिन् ।
म्युजिक भिडियोमा प्रेमीलाई माया नलुकाउन आग्रह गर्दै मंसिरमै पञ्चे बाजा लिएर आउन निम्तो समेत दिएकी छिन् ।
संगीतकार दिपक शर्माको शब्द तथा संगीतमा तयार भएको भिडियोलाई सिमोस सुनुवारले निर्देशन गरेका हुन् ।
भिडियोमा आमोस तामाङको एरेञ्ज, उत्तम हुमागाईको छायांकन तथा निशान घिमिरेको सम्पादन रहेको छ । भिडियोको बजार व्यवस्थापनको जिम्मा भाइब्स क्रियसनले लिएको छ ।
प्रतिक्रिया दिनुहोस !
