काठमाडौः मनास्लु विकास बैंक सम्मानित भएको छ । बैंकलाई राष्ट्रिय कर दिवसको उपलक्ष्यमा गोरखा जिल्लाबाट आर्थिक वर्ष २०७१/०७२ मा सर्वाधिक कर दाताको रूपमा आन्तरिक राजस्व कार्यालय पोखराले सम्मान गरेको हो ।
उद्योग वाणिज्य महासंघका पूर्व अध्यक्ष आनन्दराज मुल्मी र कास्की जिल्लाका प्रमुख जिल्ला अधिकारी हरिप्रसाद मैनालीद्वारा बैंकका महाप्रबन्धकलाई प्रमाणपत्रसहित सम्मान गरिएको बैंकले जनाएको छ ।
बैंकले यसलाई स्थानीय व्यवसायी, बुद्धिजिवी, शुभचिन्तक एवं ग्राहकवर्गको अमूल्य सहयोग र सद्भावले व्यावसायिक सफलता प्राप्त गर्न सफल भएको र राष्ट्रप्रतिको आफ्नो दायित्व तथा गोरखावासीको गौरव एवं प्रतिष्ठाका रूपमा लिएको छ ।
बैंकले आव २०७१/०७२ मा नेपाल सरकारलाई कुल एक करोड, ८ लाख ८४ हजार आयकर बुझाएको थियो भने आव २०७२÷०७३ मा कुल एक करोड, ९३ लाख ६६ हजार आय कर बुझाएको जनाएको छ ।
बैंकले चालु आर्थिक वर्षको पहिलो त्रैमाससम्ममा कुल दुई अर्ब १७ करोड तीन लाख ५५ हजार निक्षेप संकलन गरी एक अर्ब ७१ करोड ६७ लाख ६ हजार कर्जा लगानी गरेको छ भने दुई करोड ८ लाख सञ्चालन मुनाफा कमाउन सफल भएको जनाएको छ ।
प्रतिक्रिया दिनुहोस !
