काठमाडौः तीन वर्ष ओझेल परेका मदन घिमिरे फेरि चलचित्र निर्देशनमा फर्किने भएका छन् । ‘ब्वाईफ्रेन्ड’ चलचित्रमार्फत उनी पुनः निर्देशन क्षेत्रबाट आउन लागेका हुन् ।
बिहीबार राजधानीमा आयोजित कार्यक्रममा चलचित्रको शुभमुर्हूतसमेत गरिएको छ । मुर्हूतको निर्देशन चलचित्र निर्माता संघ नेपालका अध्यक्ष नवल खड्काले गरेका थिए । कार्यक्रममा कलाकार सरोज खनाल, महिमा सिलवाल र पुष्कर रेग्मीले चलचित्रको मुर्हूत सट दिएका थिए ।
बुढाथोकी फिल्म प्रोडक्सन प्रालिको ब्यानरमा प्रस्तुतकर्ता सूर्य बुढाथोकी रहेको चलचित्रका निर्माता कृष्ण खनाल, कार्यकारी निर्माता शैलजा श्रेष्ठ छन् । निर्माण सहयोगीमा प्रवीण विष्ट, केशव घिमिरे देखिएका छन् । चलचित्रमा सरोज खनाल, पुष्कर रेग्मी, महिमा सिल्वाल, सोनम थापा, श्याम मि श्र, देवी भण्डारी, मञ्जु श्रेष्ठलगायतको अभिनय रहनेछ ।
युवा पिँढीमा मौलाएको ब्वाईफ्रेन्ड र गर्लफ्रेन्ड बनाउनेमात्र नभएर अभिभावकले छोरा, छोरीप्रति व्यवस्था गर्दाको परिणम कस्तो हुन्छ भन्ने विषयलाई चलचित्रले कथा बनाएको निर्देशक घिमिरेले बताए ।
प्रतिक्रिया दिनुहोस !
