काठमाडौंः नेपाली चलचित्र ‘द विनर–२’ मा नायिकाको भूमिकामा अमेरिकामा रहेकी सीमा जोशी देखिने भएकी छिन्। फिल्मका निर्माता विकास खरेलले फिल्ममा नयाँ नायिकाका रुपमा सीमालाई अनुबन्धन गरिएको बताए।
सीमाले यसअघि बिभिन्न म्युजिक भिडियोमा अभिनय गरिसकेकी छिन्। सीमासँगै नायकमा महेशमान श्रेष्ठ रहने फिल्म निर्माता खरेलले बताए। ‘द विनर’नामक नेपाली चलचित्रले हात पारेको सफलताबाट उत्साहित निर्माण पक्षले ‘द विनर–२’ बनाउने घोषणा गरेको हो।
घोषणासँगै ‘द विनर–२’ को सुटिङका लागि अमेरिकामा ठाउँ छनोट गर्ने काम भइरहेको फिल्मका म्यानेजिङ डाइरेक्टर सुबोध ठकुरीले जानकारी दिए। ‘द विनर–२’को छायांकन ६० प्रतिशत अमेरिका र ४० प्रतिशत नेपालमा हुनेछ।
यसअघि ‘द विनर’को सुटिङ अष्ट्रेलिया, दुबई र नेपालका विभिन्न रमणीय स्थानमा गरिएको थियो।
प्रतिक्रिया दिनुहोस !
