बलिउड गायक, म्युजिक डाइरेक्ट तथा अभिनेता हिमेश रेशमियाको म्युजिक कम्पनीका सीईओ एन्डी सिंहले आत्महत्या गरेका छन् । सिंहले आफूबस्ने फ्याल्टमा झुण्डिएर आत्महत्या गरेको खबर भारतीय सञ्चारमाध्यमले सार्वजनिक गरेका छन् । उनले कोठामा रहेको फेनमा डोरी लगाएर आत्महत्या गरेका हुन् ।
उनको शव पोष्टमार्टमका लागि अस्पताल लगिएको छ । प्रहरीका अनुसार उनले शनिबार राति आत्महत्या गरेका हुन् । उनी उक्त फ्ल्याटमा आमा र गलफ्रेण्डसँगै बस्तै आएका थिए ।
शनिबार उनी खाना खाएपछि अचानक उठेर आफ्नो कोठामा गएका थिए । धेरै बेरसम्म उनले कोठाको ढोका बन्द गरेका थिए ।
परिवार सदस्यले धेरैपटक ढोका ढक्कढक्याउँदा पनि नखोलेपछि छिमेकीको सहयोगमा ढोका खोलिएको थियो । तर, त्यतिबेला उनलाई फेनमा झुण्डिएको अवस्थामा फेला पारिएको थियो ।
प्रहरीले घटनास्थलबाट कुनै सुसाइट नोट फेला नपरेको जनाएको छ । पोस्टमार्टमपछि मात्र घटनाको केही विवरण खुल्न सक्ने प्रहरीको भनाई छ ।
प्रतिक्रिया दिनुहोस !
