हुन्डाइको नयाँ थ्रीएस सेन्टर
नेपालगन्जः हुन्डाईको नयाँ ३ एस सेन्टर नेपालगन्जमा स्थापना भएको छ । करिब ४ करोड बराबरको लगानीमा सेल्स, सर्भिस र स्पेयर पार्टसको लागि नयाँ ३ एस सेन्टरका स्थापना गरिएको छ ।
सो सेन्टरको सोमबार श्रेष्ठ परिवारका हिम प्रसाद श्रेष्ठ तथा लक्ष्मी इन्टरकन्टिनेन्टल प्रालिका कार्यकारी निर्देशक निराकर श्रेष्ठले संयुक्त रुपमा उद्घाटन गरेका छन् ।
सो सेन्टरमा ५ वटा सम्म गाडिको सो रुम, उत्कृष्ट तालिम प्राप्त प्राविधिकहरु, एयर कन्डिसन र वाइफाई सुविधिा युक्त कस्टरमर लाउन्ज रहेका छन् ।
सो सेन्टरमा ३ सय गाडिको सर्भिसिङ तथा पार्किङ गर्न सक्ने क्षमता रहेको छ । नेपालको लागि हुण्डाई गाडिको आधिकारीक विक्रेता लक्ष्मी इन्टरकन्टिनेन्टल प्रालिले एउटै छाना मुनि सेल्स, सर्भिस, स्पेर पार्टसको सुविधा प्रदान गर्ने उद्देश्य सहित नेपालगन्ज स्थीत डिलर हिम अटो डिस्ट्रिब्यटरको स्थापना गरेको हो ।
नेपालगन्ज र वरिपरिका क्षेत्रमा रहेको बढदो हुण्डाई गाडिको मागलाई मध्यनजर गरेर डिलर सिप स्थापना रहेको हिम अटो डिस्ट्रिब्यटर्सका सञ्चालक रविन्सन श्रेष्ठले बताए ।
लक्ष्मी इन्टरकन्टिनेन्टल प्रालिले काठमाण्डौ बाहिर पोखरा, नारायण घाट, बुटवल, दाङ, विराटनगर, दमक, विर्तामोड, बनेपा, धनगढि, भैरहवा, इटहरी, नेपालगन्ज, हेटौडा लगायतका स्थानमा गरि १३ वटा डिलर सिप स्थापना गरेको छ ।
फोटो छ ।
प्रतिक्रिया दिनुहोस !
