काठमाडौंः सञ्चार मन्त्री सुरेन्द्र कार्की (राम) ले आफ्नो सम्पत्ति विवरणमा ल्यापट, आइप्याड र आइफोन भएको खुलाएका छन् । उनलाई आइफोन डेनमार्कमा रहेका साथीले दिएका हुन् भने आइप्याड नेपालकै एक साथीबाट प्राप्त भएको हो । सञ्चारमन्त्री कार्कीसँग भएको ल्यापटप र कम्युटर भने युरोपबाट साथीले पढाइदिएका हुन् ।
बुधबार मन्त्रिपरिषद्बाट सार्वजनिक भएको सम्पत्ति विवरणमा कार्कीले आफ्नी पत्नीको स्वामित्वमा सिक्किम र दार्जिलिङमा घर र जग्गा भएको उल्लेख गरे पनि कुन ठाउँमा छ भन्ने प्रष्ट पारेका छैनन् ।
जग्गाको विवरणमा भने पैतृक सम्पत्तिको रुपमा स्वर्गीय रत्नदेवीको नाममा ४ रोपनी सम्पत्ति रहेको उल्लखे छ भने छोराको नाममा भक्तपुरको ३० हजार मूल्य पर्ने जग्गा रहेको उल्लेख छ ।
छोराकै नाममा सिपाडोलमा सात लाख ८७ हजार मूल्यको जग्गा रहेको र उक्त जग्गा मामाबाट आमाको नाममा र आमाको बाट आफ्नो नाममा आएको र अहिले छोराको नाममा भएको उल्लेख गरिएको छ ।
सञ्चारमन्त्री कार्कीको सुन भने १० तोला भएको उल्लेख गरेका छन् । उनले सुनको स्रोतमा आमा लेखेका छन् । कार्कीले बैंक तथा वित्तिय संस्थाको विवरणमा १४ लाख जति भएको उल्लेख गरिएको छ । तर, उक्त रकम पत्नीको तलब, जग्गा, भत्ता र छोराछोरीको भएको खुलाएका छन् ।
प्रतिक्रिया दिनुहोस !
