धनकुटाः जिल्ला प्रहरी कार्यालय धनकुटाले अवैध रुपमा जिल्ला भित्रिएका सामानसहित एउटा पिकअप गाडी नियन्त्रणमा लिएको छ ।
प्रहरीले उदयपुरको रामपुरबाट धनकुटा चौबिसे क्षेत्र लैजादै गरेको को १ च ८५८६ नम्बरको गाडी नियन्त्रणमा लिएको हो । आइतबार बिहान डाँडाबजारबाट गाडी नियन्त्रणमा लिएको प्रहरीले बताएको छ ।
गाडीमा करिब दुई लाख मूल्य बराबरको एक सय ३६ थान अवैध ब्लाङकेट, गलैंचा र ज्याकेट रहेको जिल्ला प्रहरी कार्यालय धनकुटाका प्रहरी नायब उपरीक्षक प्रविणलाल श्रेष्ठले बताए ।
प्रहरीले बरामद गरेको अवैध सामान र गाडीलाई अनुसन्धानका लागि आन्तरिक राजश्व कार्यालय सुनसरीमा पठाएको छ ।
प्रतिक्रिया दिनुहोस !
