बलिउड नायक सलमान खानले मंगलबारदेखि ५१ वर्ष टेकेका छन् । उनी सन् १९६५ मा भारत मध्यप्रदेशको इन्दौरमा जन्मिएका हुन् । सलमानले बलिउडमा काम गर्न थालेको २५ वर्ष भएको छ । उनको वास्तविक नाम 'अब्दुल रासिद सलिम सलमान खान' भए पनि चलचित्रको दुनियाँमा उनी सलमान नामले स्थापित भएका हुन् । परिवारमा उनी जेठो सन्तान हुन् ।
बलिउडका प्रसिद्ध लेखकका रूपमा स्थापित पिता सलिम खानको प्रेरणाले उनी चलचित्र क्षेत्रमा लागेका थिए । सलामानकी दुई आमा थिइन् । सलमानकी आमा सुशीला गृहिणी थिइन् भने दोस्री आमा हेलेन त्यस जमानाकी चर्चित आइटम डान्सर थिइन् ।
सन् १९८८ मा 'बिबी हो तो ऐसी'बाट सलमान बलिउडमा प्रवेश गरेका थिए । उनले मुख्य भूमिका खेलेको चलचित्र भने 'मैने प्यार किया' हो ।
सानो छँदा साइकलका सोखिन सलमान ठूलो भएपछि गाउँको सडकमा बाइक कुदाउन रुचाउँथे । उनको स्वभाव निकै जिद्दी थियो । सानो छँदा उनका दुई भाइ अरबाज र सोहिल निकै चकचके थिए । उनीहरूको चकचकेपनको सजाय भने आफूले भोग्नुपर्ने उनले बताएका छन् ।
सलमान अहिले बलिउडमा चर्चित नायकमा गनिन्छन् । उनको नाममा चलचित्रले सयदेखि तीन सय करोडसम्मको कारोबार गर्ने गरेका छन् । एजेन्सी
प्रतिक्रिया दिनुहोस !
