राजधानीमा स्पाको आकर्षण
केही समय अघिसम्म स्पा विदेशीले मात्र गर्दै आएका थिए । अहिले यसका नेपाली प्रयोगकर्ता पनि बढ्न थालेका छन् । नुहाउनसमेत फुर्सद नभएकाहरूले स्पा प्रयोग गर्न थालेका छन् । हेल्थ रिल्याक्सेसनसँगै पर्यटन क्षेत्रमा वर्षौंदेखि स्पा पूरक बन्दै आएको छ ।
विकास, संस्कृति र मानिसको उमेरअनुसार स्पाका सेवा र विधि फरकफरक छन् । उमेरअनुसार शरीरका प्रत्येक भाग विभाजन गरी ट्रिटमेन्ट रिल्याक्सेसन र आउटलुक्स मेन्टेन गर्न शारीरिक स्पा गर्ने गरिएको पाइन्छ । यिनमा हेयर स्पा, फेस स्पा, नेक स्पा, आइ स्पा, फुट स्पा, नेल स्पा, स्किन स्पा आदि छन्।
व्यवसाय
नेपालमा केही वर्षदेखि व्यवस्थित र पारिवारिक वातावरणमा सम्मानजनक तरिकाले स्पा चलाइएको पाइन्छ । रियल थेरापी एन्ड ब्युटी प्वाइन्टले तीन वर्षदेखि ठमेलमा सेवा दिइरहेको छ । यसका सञ्चालक भवि शर्माले स्पालाई व्यवसाय नै बनाएका छन् । पछिल्लो समय विदेशी पर्यटकसँगै नेपालीले समेत पारिवारिक स्पा गर्न थालेको पाइन्छ । पर्यटन व्यवसायी टीकाराम गुरुङ सातामा एक दिन स्पा गर्ने गरेको बताउँछन् । शरीरलाई स्फूर्त र तौल कम गर्न सहयोग गरेकाले स्पा गर्ने गरेको उनको भनाइ छ ।
दृष्टिकोण फराकिलो
केही समय अघिसम्म थेरापीलाई हेर्न हेर्ने समाजको दृष्टिकोण राम्रो थिएन । तर अहिले यसमा परिवर्तन आएको थेरापी सञ्चालक बताउँछन् । दृष्टिकोणमा आएको परिवर्तनसँगै यसको व्यवसाय फस्टाएको हो । स्पा सेवा टुरिजम क्षेत्रमा अति नै आवश्यक मानिन्छ।
हिमाल आरोहण र अवलोकनपछि शरीरमा आएका समस्या समाधान गर्न पनि पर्यटकहरू स्पामा आउने सेभेन समिट ट्रेकिङ एजेन्सीका सञ्चालक मिङ्मा शेर्पा बताउँछन् । महिनौं पदयात्रा गरेर आउने पर्यटकहरू राम्रोसँग मसाज गर्न रुचाउने उनी बताउँछन् । उक्त प्वाइन्टले स्पासँग सम्बन्धित र शारीरिक उपचारका सेवा दिँदै आएको छ ।
साउनाबाथ, स्टिम बाथ, आयुर्वेदिक मसाज, हटस्टोन मसाज, जोइन्ट पेनरिलिफ मसाज, रिल्याक्सेसन मसाज, अक्कु प्रेसर थेरापी, स्ट्रेचिङ थेरापीका साथै ब्युटी पार्लर र सैलुनमा हुने सबै सेवा दिँदै आएको सञ्चालक शर्मा बताउँछन् । रियल थेरापीले नेपालमै पहिलोपटक अफुरो (हट स्प्रिङ वाटर) तातो पानीको कुण्ड सुरु गरेको छ । यसबाट ब्याक पेन, जोइन्ट पेन, सुगर, युरिक एसिड, प्रेसर, तौल कम, मस्कुलर पेनजस्ता रोगको उपचार हुने सञ्चाल शर्माको भनाइ छ ।
स्वस्थ जीवन
स्पामा विशेष गरी अफुरो उपचार पद्धति मुख्य रहेको छ । जापानी पद्धतिबाट गरिने यो प्राकृतिक उपचारले मानिसको सरदर आयु बढाउने स्पामा संलग्न विशेषज्ञहरू बताउँछन् । ४० देखि ४५ डिग्री सेल्सियस तापक्रमको पानीमा डुबेर अफुरो गरिन्छ । यसमा घाँटीभन्दा तलको भागलाई तातो पानीभित्र डुबाएर शरीरबाट पसिना निकालिन्छ ।
प्रतिक्रिया दिनुहोस !
