गोरखामा विस्फोटक पदार्थ भेटियो
गोरखा गोरखाको स्वाँराको जंगलमा ठूलो परिमाणमा डेटोनेटर फेला परेको छ । स्वाँरा ९ थलास्थित जङ्गलमा लुकाइराखिएको अबस्थामा सो बिस्फोटक सहायक सामग्री भेटिएको हो ।
आइतबार बेलुका बाख्रा गोठालाले सो शंकास्पद सामान भेटेपछि प्रहरीलाई खबर गरेका थिए । स्थानीयबासीको सूचनापछि इलाका प्रहरी कार्यालय जौबारीका प्रहरी निरीक्षक गौतम बोहोराको टोली त्यसतर्फ गएको छ ।
उनका अनुसार तीन हजार नौसय ४१ थान डेनोनेटर भेटिएको प्रहरी उपरीक्षक जनकराज पाण्डेयले जानकारी दिए । सो बिस्फोटक पदार्थ माओवादी युद्धकालको हुन सक्ने उनले बताए । बोरा कुहिएको अबस्थामा डेटोनेटर रहेको उनले बताए । सोमबार साँझसम्म ती सामग्री सदरमुकाम ल्याइसक्ने प्रहरी उपरीक्षक पाण्डेयले बताए ।
प्रतिक्रिया दिनुहोस !
