काठमाडौंः लागु औषध नियन्त्रण ब्यूरो कोटेश्वरको बिशेष टोलिले नियन्त्रित लागु तथा मनोद्धिपक पदार्थ सहित तीन जनालाई पक्राउ गरेको छ ।
ललितपुर लेले गाविस वडा नं. २ जन्म स्थान भई जिल्ला काठमाण्डौ वडा नं. १७ क्षेत्रपाटी डेरा गरी बस्ने बिमला थापा हुसेन, उनका श्रीमान मन्सुर हुसेन र भारत पुर्वी चम्पारण बिसुनपुरवा–७ घर भएका बर्ष १८ को बिक्की कुमार सिंहलाई प्रहरीले पक्राउ गरेको हो ।
ती व्यक्तिहरुबाट प्रहरीले करिब ८ लाख ६२ हजार मूल्य बराबरका बुपे्रनर्फिन २९ एम्पुल र डाईजेपाम ३९ एम्पुल सहित पक्राउ गरेको हो । उक्त नियन्त्रित लागु औषधी सग मिसावट गरी दुरुपयोग हुने औषधि फेनारगन ४४ एम्पुल समेत निजको साथमा रहेको लेडिज ब्यागबाट बरामद गरीएको छ ।
उनीहलाई लागु औषध (नियन्त्रण) ऐन, २०३३ (संसोधन सहित) बमोजिम मुद्धा दर्ता भई थप अनुसन्धान भई रहेको प्रहरीले जानकारी दिएको छ ।
प्रतिक्रिया दिनुहोस !
