जनआन्दोलनकी नेतृलाई सम्मान
इलामः दोस्रो जनआन्दोलनमा सक्रियपूर्वक नेतृत्व गरेकी युवा नेतृ हेममाया (रामु) प्रधानलाई सोमबार एक समारोहबीच सम्मान गरिएको छ ।
स्वर्गीय रामदेवी श्रेष्ठ स्मृतिकोष, इलामले उनलाई लोकतान्त्रीक आन्दोलन र सामजसेवामा निरन्तर योगदान गरेवापत नगद पुरस्कार सहित सम्मान गरिएको हो ।
सूर्योदय नगरपालिका- ६ कि प्रधान २०६२/६३ को जनआन्दोलनदेखि राजनीतिका साथै सामाजिक क्षेत्रमा सक्रिय रहँदै आएकी छिन् । नगरस्तरीय महिला समन्वय समिति र अन्तरपार्टी महिला सञ्जालमा रहेर उनी राजनीतिमा सक्रिय भएर काम गर्दै आएकी छिन् ।
सूर्योदय महिला मञ्च नामक गैर रकारी संस्थाका माध्यमबाट उनी सामाजिक कार्यमा क्रियाशील हुँदै आएकी छिन् । उनी असल कृषि अभ्यास समूह तथा असल कृषि सहकारी संस्थामा रहेर काम गर्दै आएकी छिन् ।
प्रतिक्रिया दिनुहोस !
