उर्लाबारी: मोरङको विराटनगर–२१ मा अज्ञात समूहले गोली प्रहार गरी मनीचेञ्जर सञ्चालकको साथबाट पाँच लाख लुटेर फरार भएका छन्।
गएराति साढे ८ बजेतिर को ११ प २३७४ नम्बरको मोटरसाइकलमा घर फर्कँदै गरेका क्रितेश मनी मन्जीचेन्जरका सञ्चालक विराटनगर–१९ का ४० वर्षीय बटेशकुमार साहमाथि गोली प्रहार भएको हो ।
गोली प्रहार गरेर सो समूहले साहको साथमा रहेको पाँच लाख लुटेर फरार भएको जिल्ला प्रहरी कार्यालय मोरङका प्रहरी नायब उपरीक्षक योगेन्द्रसिंह थापाले जानकारी दिए।
दायाँ हात र दायाँ तिघ्रामा गोली लागेर घाइते भएका साहको धरानस्थित बिपी कोइराला स्वास्थ्य विज्ञान प्रतिष्ठानमा उपचार भइरहेको छ। दुईवटा मोटरसाइकलमा चारजनाको समूहमा आएका लुटेराको खोजी भइरहेको मोरङ प्रहरीले जनाएको छ। रासस
प्रतिक्रिया दिनुहोस !
