काठमाडौंः गायक त्रिलोक रानाको नयाँ एल्बम ‘वरदान’ मा समावेश गीत ‘काँडा छोए फूल बन्छ’ को म्युजिक भिडियो सार्वजनिक भएको छ । भिडियोमा नायिका बेनिशा हमालको प्रेमको चर्चा गरिएको छ ।
भिडियोमा बेनिशाको प्रेमी बनेर अनिल थापा देखिएका छन् । जसमा प्रेमी प्रेमीकाका कुरालाई निर्देशक विशाल भण्डारीले जीवन्त शैलीमा प्रस्तुत गरेका छन्।
सुनिल मास्केको संगीत तथा किशोर थापाको शब्द रहेको गीतको बजार व्यवस्थापनको म्युजिक नेपालले गरेको छ।
आठ गीत समावेश गरिएको एल्बममा तिमीलाई छुने हावा घाम भाग्यमानी, पहिलो भेटमा तिमीसँग माया गाँसु लाग्यो, जलाउँ झैँ लाग्छ संसार सारा, कोही छ की यहाँ दौतरी मिल्ने, तिमीले सियोमा धागो हालेको, मुटुको धुप जलिरहन्छ र भुली दिनु भन्थ्यौ तिमीले बोलका गीत समावेश गरिएको छ ।
सात वषको अन्तरालपछि एल्बम लिएर आउँदा गायक राना फुरुगं छन् । गायक राना, ‘अर्को भिडियो पनि छिट्टै बनाउने तयारीमा छु ।’
प्रतिक्रिया दिनुहोस !
