आकर्षण वाइयु युनिकन स्मार्टफोनको
काठमाडौं: वाइयु युनिकन स्मार्टफोन बजारमा आएलगत्तै ग्राहकको रोजाइमा परेको छ । बनावट र प्रविधिको उत्कृष्ट नमूना यो स्मार्टफोन विश्व बजारमा उत्कृष्ट १० ब्राण्डभित्र पर्ने माइक्रोम्याक्सको सहायक कम्पनीको उत्पादन हो ।
यु टेलिभेन्चर्सलको उत्पादन वाइयु युनिकन 'वाइयु ५५३०' नेपाली बजारमा आएको केही सातमा नै सबैको रोजाइमा परिरहेको छ । नेपालमा वाइयु युनिकनको आधिकारिक आयातकर्ता तथा वितरक पशुपति ट्रेडलिङ्क प्रालिले यसलाई बजारमा ल्याएको हो ।
पशुपति ट्रेडलिङ्क प्रालिका नेसनल सेल्स म्यानेजर भुपाल क्षत्रीका अनुसार, वाइयु युनिकन स्मार्टफोनको आकर्षक डिजाइन र प्रविधिले बजारमा आएको केही सातामा ग्राहकलाई आकर्षित गर्न सफल भएको हो । उनले यो फोन नेपाली ग्राहकमैत्री रहेको पनि जानकारी दिँदै भने, 'ग्राहकको माग र नेपालको बजारअनुरुप यो स्मार्टफोन ल्याइएको हो ।'
बजेटअनुकूल फोनको रूपमा बजारमा आएको यो स्मार्टफोनको मुख्य आकर्षण यसमा प्रयोग भएको चार जीबी र्याम र ३२ जीबी रोम भएको क्षत्रीले जानकारी दिए । नेपाली बजारमा २६ हजार नौ सय रुपैयाँमा उपलब्ध वाइयु युनिकन स्मार्टफोनमा प्रयोग भएको र्याम र रोम क्षमता यो प्राइस सेग्मेन्टमा नै उत्कृष्ट हो ।
मिड सेग्मेन्टको फोनका रूपमा बजारमा आएको वाइयु युनिकन स्मार्टफोन युवालाई लक्ष्यित गरी ल्याइएको क्षत्रीले बताए । उनका अनुसार, फोरजी सेवा सपोर्ट गर्ने यो फोन सबै उमेरका ग्राहकलाई उपयुक्त हुनेछ ।
मेटल बडीमा निर्मित मिडियाटेक हेलियो पी १० फोनमा ५.५ इन्चको आइपिएस एलसिडी क्यापासिटिभ १६ एम कलर्स स्क्रिन रहेको छ । यस मोबाइल फोनमा ४ जिबी र्याम र ३२ जिबी रोम रहेको छ । यसलाई माइक्रोएसडीको प्रयोग गरी एक सय २८ जिबीसम्म बढाउन सकिन्छ ।
एन्ड्रोइड ललिपप ५.१ अपरेटिङ सिस्टम रहेको यो फोनमा १.४ गिगाहर्ज क्वाड कोर प्रोसेसर रहेको छ, जसले प्रयोगकर्तालाई स्मार्टफोन प्रयोगको नयाँ अनुभव प्रदान गर्छ । एकैपटकमा धेरैवटा एप्ससँग घुलमिल हुने अवसर पनि प्रदान गर्छ ।
कम्पनीले उपलब्ध गराएको जानकारीअनुसार, फोनमा फिङगर प्रिन्ट सेवा पनि उपलब्ध छ । १० फरक फिङ्गर सपोर्ट गर्ने फिङ्गर सिस्टमले मोबाइलको सुरक्षालाई बढाएको छ । प्रयोग गर्न सजिलो यो फोनमा १३ मेगापिक्सेलको मुख्य क्यामरा छ, जुन फोटो खिच्न रुचाउनेका लागि बढी प्रभावकारी हुने देखिन्छ । फ्रन्ट फ्लाससहितको यसमा ५ मेगापिक्सेलको सेल्फी क्यामरा रहको छ ।
कम्पनीका अनुसार क्यामराका लागि निमार्ण गरिएको यो फोनमा प्रयोग गरिएको क्यामराले कम लाइटमा पनि उत्कृष्ट तस्बिर खिच्ने छ ।
वाइयु युनिकन स्मार्टफोनमा चार हजार एमएएचको झिक्न नमिल्ने ब्याट्री प्रयोग गरिएको छ, जसले फोनलाई लामो समयसम्म टिकाउँछ । लामो यात्रा गर्दा पर्यटकको लागि यो फोन उपयुक्त हुने कम्पनीले जनाएको छ । यसमा डिटिएस अडियो सिस्टम प्रयोग गरिएको छ, जसले गीत सुन्दा अथवा फिल्म हेर्दा प्रयोगकर्ताले छुट्टै आनन्द प्राप्त गर्नेछन् ।
सेल्स म्यानेजर क्षेत्रीका अनुसार, यो फोन मिड सेगमेन्टका स्मार्टफोनको लागि एउटा नमूना हो । उनले भने, 'मूल्यमा बजारमा रहेको अन्य फोनको तुलनामा सस्तो भए पनि फोनमा प्रयोग भएको प्रविधि र बनावटका आधारमा कुनै कमी छैन । कम्पनीले गुणस्तरीयतालाई प्राथामिकतामा राखेर यो फोनको निमार्ण गरेको छ । यो फोनसँगै युनिकर्नले पुराना नियमलाई परिवर्तन गरिदिएको छ । परम्परालाई भत्काएको छ । फ्ल्यागसिपलाई पुनः परिभाषित गरिदिएको कम्पनीले जनाएको छ ।
प्रतिक्रिया दिनुहोस !
