मलेसियामा रहेका श्रमिकका लागि खुशीको खबरः लेबी कम्पनीले तिर्ने
![मलेसियामा रहेका श्रमिकका लागि खुशीको खबरः लेबी कम्पनीले तिर्ने](https://annapurnapost.prixacdn.net/media/albums/kuala-lumpur_Nepali_in_Malaysia-586e51281e9a15.24724343_m2cDfDid8Q.jpg)
क्वालालम्पुुर : मलेसियामा आप्रवासी श्रमिकले तिर्दै आएको लेबी अब यहाँका रोजगारदाताले तिर्नुुपर्ने भएको छ । मलेसियाका गृहमन्त्री दातुुक श्री अहमद जायिद हमिदिलाई उद्धृत गर्दै यहाँका सञ्चारमाध्यमले जनाएअनुुसार अबका दिनमा श्रमिकबाट लिइने सबै किसिमका लेबी रोजगार दाताले दिनुुपर्ने भएको छ।
जनवरी १ बाट यो नियम लागू गर्न गृहमन्त्री हमिदिले निर्देशन दिए हुन् । यस निर्णयबाट पाँच लाखभन्दा बढी नेपाली लाभाविन्त भएका छन् । यहाँ कार्यरत नेपाली श्रमिकले विभिन्न क्षेत्रमा काम गरे बापत वर्षको एक हजार आठ सयदेखि दुई हजार पाँच सयभन्दा बढी लेबी तिर्दै आएका थिए ।
गत वर्ष मात्रै मलेसिया सरकारले मलेसियामा रहेका आप्रवासी श्रमिकको लेबी दोब्बर वृद्धि गरेको थियो । लेबी वृद्धिपछि मलेसियाको रोजगारीमा नेपालीको रुचिसमेत घटेको थियो । मलेसिया सरकारले गत वर्ष आप्रवासी श्रमिकको न्यूनतम तलबसमेत वृद्धि गरेको थियो।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)