पाँच किलो गाँजासहित एक महिला पक्राउ
बर्दिबासः महोत्तरीमा पाँच किलो लागुऔषध गाँजासहित एक महिला पक्राउ परेकी छिन्।
बर्दिवासबाट जलेश्वरतर्फ आउँदै गरेको ना ६ ख ५४३५ नम्बरको बसमा चेकजाँच गर्ने क्रममा शनिवार दिउँसो मकवानपुर हडीखोला–५ की ५५ वर्षीया सीता राउत क्षेत्रीलाई पक्राउ गरेको महोत्तरी जिल्ला प्रहरी प्रमुख एसपी नल प्रसाद उपाध्यायले जानकारी दिए।
विशेष सुराकीको आधारमा महोत्तरीको सरपल्लोमा प्रहरीले चेकजाँच गर्दा बसको सिटमुनिबाट तीन केजी तथा राउतको व्यागबाट दुई केजी गरी पाँच किलो गाँजा बरामद गरिएको उपाध्यायले बताए।
प्रतिक्रिया दिनुहोस !
